रुपन्देहीमा ६ जना कोरोना संक्रमित मृत्यु

बुटवल – पछिल्लो २४ घण्टामा लुम्बिनी प्रादेशिक अस्पताल बुटवलमा उपचाररत ६ जना कोभिड १९ का बिरामीको मृत्यु भएको छ । रुपन्देहीका ३ जना, अर्घाखाँची, कपिलवस्तु र सल्यानका एक-एक जना गरी ६ जनाको मृत्यु भएको लुम्बिनी प्रादेशिक अस्पताका सूचना अधिकारी डा. विष्णु गौतमले जनाकारी दिए ।

रुपन्देहीको बुटवल उपमहानगरपालिका वडा नम्वर ४ का ८४ वर्षीय पुरुष, बुटवल ९ कै ६१ वर्र्षीय पुरुष र बुटवल ११ का ६५ वर्षीय पुरुषको उपचारका क्रममा मृत्यु भएको अस्पतालले जनाएको छ ।

 उता, अर्घाखाँची धातिवाङका ७५ वर्षीय पुरुषको मृत्यु भएको छ भने कपिलवस्तु शिवराज नगरपालिका ७ का ४३ वर्षीय पुरुषको मृत्यु भएको छ । त्यस्तै शारदा ११ सल्यानका ४३ वर्षीय पुरुषको उपचारका क्रममा मृत्यु भएको छ ।