विवादमा तानिएकी लुम्बिनी प्रदेशकी स्वास्थ्य राज्यमन्त्री विमला वलीले दिइन् राजीनामा

बुटवल—विवादमा तानिएकी लुम्बिनी प्रदेशकी स्वास्थ्य राज्यमन्त्री विमला वलीले राजीनामा दिएकी छन् । दाङ तुलसीपुरस्थित एकजनाको घरमा लफडा गरेर विवादमा आएकी उनले मुख्यमन्त्री कुलप्रसाद केसीलाई राजीनामा बुझाएकी हुन् ।

वलीले राजीनामा दिएको माओवादी केन्द्रका लुम्बिनी प्रदेशका अध्यक्ष एवं प्रदेशसभा सदस्य सुदर्शन बरालले पुष्टि गरे ।

उनले वाईसीएल नेता एकराज बस्नेतको घरमा गएर श्रीमती तथा छोरीलाई कुटपिट गरेको आरोप लागेको छ । तर, उनले त्यो आरोप अस्वीकार गर्दै आएकी छन् ।

यस विषयमा प्रहरीले छानविन गरिरहेकाले वलीमाथि मन्त्रीबाट राजीनामा दिनुपर्ने दबाब परेको थियो ।