नेपालगञ्जमा मेरुदण्ड रोग सम्बन्धी कार्यशाला सम्पन्न

नेपालगञ्ज–मेरुदण्डमा हुने रोगहरुको उपचारमा संलग्न नेपालका चिकित्सकहरुको एक दिने कार्यशाला नेपालगञ्चमा सम्पन्न भएको छ । शनिबार एसोसिएसन अफ स्पाइन सर्जन अफ नेपाल (एएसएसएन)को आयोजनामा भएको सो कार्यशालामा देशका विभिन्न अस्पतालमा कार्यरत ६० बढी चिकित्सकहरुको उपस्थिती रहेको थियो ।

कार्यशालालाई ससोसाइटीको वेष्टर्न च्याप्टरको सहकार्यमा भएको हो । कार्यक्रममा मेरुदण्डका शल्यचिकित्सक, हाडजोर्नीका शल्यचिकित्सक, एनेस्थिसियोलोजिष्ट, रेडियोलोजिष्ट, न्यूरो सर्जनहरुको सहभागिता रहेको एएसएसएनका लुम्बिनी प्रदेश संयोजक डा. प्रकाश थापाले जानकारी दिए ।

कार्यशालामा एक दर्जन बढी चिकित्सकले विभिन्न विषयमा प्रस्तुतीकरण गरेका थिए । कार्यक्रममा सोसाइटीका पूर्व अध्यक्ष डा. विकलकुमार पाण्डे, साइन्टीफिक कमिटीका चेयर डा. गौरवराज ढकाल लगायतले सहजीकरण गरेका थिए ।