रेडक्रस सभापति अग्रहरीद्वारा १० लाख रुपैयाँको अक्षय कोष घोषणा

नवलपरासी—नेपाल रेडक्रस सोसाइटी जिल्ला शाखा नवलपरासीका सभापति राजेन्द्रप्रसाद अग्रहरीले १० लाख रुपैयाँको अक्षयकोष स्थापना गरेका छन् । सोमबार उनले परासीमा सम्पन्न सोसाइटीको स्वर्ण जयन्ती महोत्सवको अवसरमा अक्षय कोषको घोषणा गरेका हुन् ।

वि.सं. २०७५ सालदेखि नेपाल रेडक्रस सोसाइटी जिल्ला शाखाको नेतृत्व लिएका अग्रहरीले आफू र धर्मपत्नी गायत्रीदेवी अग्रहरीको नाममा कोषको घोषणा गरेका हुन्।

सभापति अग्रहरीले अक्षय कोषबाट गरिव तथा जेहेन्दार विद्यार्थीका लागि छात्रवृत्ति, गर्भवती, सुत्केरी र विपन्न परिवारलाई सहयोग गर्ने बताए।

स्वर्ण जयन्ती समारोहमा सभापति अग्रहरीले ८ जना गरिब विपन्न परिवारलाई २० हजार रुपैयाँसम्मको आर्थिक सहयोग गरेका थिए ।