२०८१ असार ३१, सोमबार
Health Aawaj logo
गृहपृष्ठकर्पोरेटगोल्ड मेडिक्रसमा जेष्ठ नागरिकलाई निःशुल्क चेकजाँच

गोल्ड मेडिक्रसमा जेष्ठ नागरिकलाई निःशुल्क चेकजाँच


बुटवल—बुटवलको एक निजी उपचार केन्द्रले सामाजिक उत्तरदायित्वसहित जेष्ठ नागरिक र शुल्क तिर्न नसक्ने विरामीको निःशुल्क चेकजाँच गरेको छ । अस्पताल लाइनमा सञ्चालनमा आएको गोल्ड मेडिक्रस हेल्थ केयर सेन्टरले ७० वर्ष उमेर माथिका सबै जेष्ठ नागरिक र शुल्क तिर्न नसक्ने विपन्न वर्गलाई सधैभरि निःशुल्क चेकजाँच गरेको हो । रकमको अभावमा औषधि किन्न नसक्ने विपन्नलाई औषधि पनि निःशुल्क दिने संस्थाको नीति रहेको सञ्चालक यादव कार्कीले बताए ।

विद्यमान अवस्थामा सरकारी स्वास्थ्य संस्थाहरुले मात्रै सबै बिरामीलाई उपचार सेवा पु¥याउन नसकिरहेको अवस्था रहेकाले स्वास्थ्य र शिक्षा क्षेत्रका सातजना व्यक्तिले एक करोड २० लाख रुपैयाँ लगानी गरेर हेल्थ केयर सेन्टर सञ्चालनमा ल्याइएको कार्कीले बताए ।

हेल्थ केयर सेन्टरमा १० जना विशेषज्ञ डाक्टरहरुले बिरामीको चेकजाँच गर्ने कार्कीले बताए । सेन्टरलाई ओपीडी अर्थात वहिरंग उपचार सेवा केन्द्रका रुपमा स्थापित गर्ने र बिरामीलाई छिटोछरितो र विश्वसनीय सेवा दिने लक्ष्य रहेको कार्कीले बताए ।

सेवा शुभारम्भका अवसरमा माघ ६ गतेदेखि ८ गतेसम्म तीन दिन सबै विरामीको चेकजाँच (डाक्टरको शुल्क) निःशुल्क गरिएको र युरिक एसिड तथा मधुमेह (सुगर) रोगको परीक्षण पनि निःशुल्क गरेको कार्कीले जानकारी गराए । होल बडी चेकजाँच र भिडियो एक्सरे शुल्कमा पनि ५० प्रतिशत छुट गरेको उनले बताए ।


क्याटेगोरी : कर्पोरेट, लुम्बिनी प्रदेश



तपाईको प्रतिक्रिया दिनुहोस


ट्रेण्डिङ