वर्तमान समयमा महिला र पुरुष दुवैमा यौन चाहना नहुने र यौन उत्तेजनामा कमी आउने साझा समस्याको रुपमा देखा परेको छ । कतिपय व्यक्तिहरु सम्भोगको समयमा समेत यौन उत्तेजना नहुने गुनासो लिएर उपचारका लागि धाउँछन् । यौन उत्तेजना नहुनु पछाडि व्यक्तिका विभिन्न कारणहरु रहेका हुन्छन् । तर, प्रत्येक व्यक्तिलाई एकै कारणले यौनमा रुची घट्छ भन्ने हुदैन ।
यौन उत्तेजना भनेको के हो?
यौन उत्तेजना भन्नाले सामान्यतयाः यौन क्रियाकलापको समय सम्भोग गर्ने इच्छा भन्ने बुझिन्छ । वास्तवमा सम्भोगका निमित्त शरीर, र मस्तिष्क दुवैलाई तयार पार्नको निम्ति विभिन्न प्रकारको शारीरिक प्रतिक्रिया गरिन्छ । यसैक्रममा शरीरमा आउने परिर्विर्तत प्रतिक्रिया नै यौन उत्तेजना हो ।
यौन उत्तेजना नहुनु भनेको के हो?
यदि तपाईको यौन उत्तेजनामा कमी आएको छ वा सम्भोगभन्दा पहिले उत्तेजित हुनेमा समस्या देखा परिरहेको छ भने यो तपाई आफैले स्वतः अनुभव गर्नुहुन्छ । यस्तो समयमा तपाईलाई शारीरिक सम्बन्ध कायम गर्न मन नलाग्ने, पार्टनरको लाखौ अपिलपछि पनि सम्भोगको निम्ति तयार हुन नसक्ने, यौन क्रियाकलापको कुरा दिमागमा नआउने र यौन सम्पर्क कायम भएता पनि तपाईलाई आनन्द नआउने जस्ता समस्या देखा पर्दछ ।
कारणहरु
यौन उत्तेजना नहुने समस्या महिला र पुरुष दुवैमा समान रुपमा देखा पर्दछ । यद्यपि यसका कारण भने भिन्न–भिन्न प्रकारका हुन्छन् । अर्थात्, विभिन्न आन्तरिक एवम् बाह्य पक्षले व्यक्तिको यौनजीवनमा प्रत्यक्ष एवम् अप्रत्यक्ष रुपमा प्रभाव पारिरहेको हुन्छ । यसमध्ये कतिपय कारण तपाई आफैलाई थाहा हुन पनि सक्छन् र नहुन पनि । तसर्थ आउनुहोस् यौन उत्तेजना किन हुदैन भन्ने विषयमा केहि
जानकारी हासिल गरौँः
- यदि तपाईको शरीर दुब्लो पाताले छ र तपाई आफ्नो शरीरप्रति सन्तुष्ट हुनुहुन्न भने तपाईमा यौन उत्तेजना सम्बन्धि समसया देखिन सक्छ ।
- डर, चिन्ता, भय एवम् तनावजस्ता मानसिक समस्या
- नकरात्मक विचार एवम् पार्टनरसंगको सम्बन्धमा भएको खटपट
- महिलाको हकमा पिल्स सेवन गरिरहेको अवस्था, गर्भवति अवस्था एवम् महिनावारी पर सरेको अवस्थामा यौन उत्तेजना नहुने हुन्छ ।
- यौन अंगमा रक्त प्रवाह नहुनु एवम् ब्ल्याडर संक्रमण हुनु
- अन्य उपचारको औषधि सेवन तथा थेरापी प्रयोग गरिरहेको अवस्था
- शारीरिक सम्पर्कका लागि पार्टनर राजी भएता पनि पार्टनरले उचित रुपमा सहकार्य गर्न नसक्दा
- र, मधुमेहको रोगी भएमा ।
समाधानका उपायहरु
सामान्यतयाः यौन उत्तेजना नहुने समस्याका कारण व्यक्तिपिच्छे भिन्न भिन्न रहेका हुन्छन् । जसकराण चिकित्सकलाई पनि उपचारमा कठिन पर्दछ । यसबाहेक कतिपय महिला र पुरुष आफ्नो समस्याका बारेमा खुलेर कुरा गर्न लजाउने हुदा पनि चिकित्सकलाई उपचारमा कठिनाई देखा पर्दछ ।
तसर्थ यसका लागि सर्वप्रथम महिला र पुरुष दुवैले आफ्नो पार्टनरसंग आफूलाई आई परेको समस्या र आफ्नो अवस्थाबारे एक आपसमा सेयर गर्र्र्र्र्नुपर्दछ । यसबाटै पनि अधिकांश दम्पतिका यौन विशेषज्ञको परामर्श पनि लिन सकिन्छ ।
चिकित्सकको परामर्श लिने क्रममा दम्पतिहरु आफ्ना कुरा खुलस्त रुपमा चिकित्सक सामु राख्न नसक्दा पनि समस्याको उचित निराकरण हुन पाउदैन । त्यसैले चिकित्सकको सामु आफ्ना कुरा एवम् जिज्ञासा राख्न डराउनु हुदैन ।
यसका साथै बिहानै गरिने शारीरिक व्यायाम र योगले पनि यौन जीवनमा प्रभाव पार्दछ । तसर्थ यस्ता समस्या देखा परेको व्यक्तिले दैनिक शारीरिक व्यायाम र योगाको माध्यमबाट पनि यस्ता समस्यामा कमी ल्याउन सकिन्छ ।
यसबाहेक केहि समस्या मानसिक थकान, चिन्तार्, वम् आफ्नो पार्टनरप्रतिको शंका एवम् उपशंकाका कारण पनि देखा पर्दछ । तसर्थ त्यस्तो समयमा भने आफ्नो पार्टनरसंगको आवश्यक बातचित तथा मानसिक चिकित्सकको सहयोग लिन सकिन्छ ।
एजेन्सी ।
