२०८० फागुन १५, मंगलबार
Health Aawaj logo
गृहपृष्ठयोगयी योगासनको दैनिक अभ्यासले हटाउँछ अनुहारको बोसो

यी योगासनको दैनिक अभ्यासले हटाउँछ अनुहारको बोसो


अनुहारको बोसो सौन्दर्यमा बाधक बन्न सक्छ । स्वस्थ खानपान र जीवनशैलीमा ध्यान नदिँदा हाम्रो सौन्दर्यमा पनि नराम्रो असर पर्न सक्छ । अनुहारको बोसो अहिले धेरैको समस्या बनेको देखिन्छ । यो समस्या मोटा तथा पातलो शरीर भएका व्यक्तिमा देखिने समस्या हो । अनुहारमा थुप्रिने बोसो विशेषगरी चिउँडो र घाँटीमा देखिन्छ । जसले गर्दा अनुहार र घाँटीमा थुप्रिएको बोसोले दुई वटा चिउँडो (डबल चिन) बन्न सक्छ । यस्तो अवस्थामा अनुहारको सुन्दरता र आकर्षणलाई बिगार्छ ।

त्यसैले हरेक महिला तथा पुरुषहरु आफ्नो घाँटीको बोसो कम होस् भन्ने चाहन्छन् । यस्तो समस्या समाधान गर्न बढ्दो तौललाई नियन्त्रण गर्न कसरतसँगै खानपानमा पनि ध्यान दिनुपर्छ ।

यदि तपाईँ आफ्नो अनुहारको बोसो कम गर्न चाहनुहुन्छ भने त्यसका लागि तपाईँले आफ्नो दिनचर्यामा केही व्यायाम समावेश गर्न सक्नुहुन्छ । आज यस लेखमा हामी तपाईँलाई केही विशेष योग आसनहरूको बारेमा बताउनेछौँ । जसले तपाईँको अनुहारलाई सुन्दर र आकर्षक देखाउँछ । आउनुहोस् जानौँ घाँटीमा जमेको बोसो घटाउन कुन कसरत गर्ने ?

भुजंगासन

घाँटीको अतिरिक्त बोसो घटाउन भुजंगासनको दैनिक अभ्यास गर्न सक्नुहुनेछ । यस आसनको मद्दतले गर्दनमा स्ट्रेच उत्पन्न हुन्छ । जसले घाँटीको रेखाहरू कम गर्न मद्दत गर्दछ । साथै, यसले बोसो घटाउन धेरै हदसम्म मद्दत गर्न सक्छ ।

सिंहासन

सिंहासनलाई ‘लायन पोज’ पनि भनिन्छ । यो योगासनले डबल चिन र घाँटीमा जमेको बोसो कम गर्न मद्दत गर्छ । यस योगमा जिब्रोलाई पूर्ण रूपमा बाहिर निकालिन्छ । जसले तपाईँको घाँटीको मांसपेशी सञ्चालन प्रक्रिया राम्रो हुन्छ । यसले घाँटीको नसहरूमा पनि दबाब सिर्जना गर्छ । जसले बोसो घटाउन मद्दत गर्छ ।

उष्ट्रासन

यो योगासनलाई ऊँटको मुद्रा पनि भनिन्छ । यसले  शरीरको मांसपेशी बलियो बनाउन धेरै मद्दत गर्छ । यो घाँटी स्लिम गर्न धेरै लाभदायक छ । साथै, यसले पेटको बोसो घटाउन पनि मद्दत गर्छ ।

नेक रोल

नेक रोल अर्थात् घाँटीलाई गोलाकार गतिमा घुमाउँदा घाँटी वरपरका मांसपेशीहरूमा तन्कन्छ । जसले दोहोरो चिन र घाँटीको बोसो घटाउन मद्दत गर्छ । यो कम्तीमा १० मिनेटको लागि नियमित रूपमा गर्नुपर्छ ।

नोट: यदि तपाईँ कुनै गम्भीर रोगको कारणले यस्तो समस्याको सामना गर्दै हुनुहुन्छ भने, यस्तो अवस्थामा तपाईँको स्वास्थ्य विशेषज्ञको मद्दत लिनुहोस् ।

–एजेन्सीको सहयोगमा


क्याटेगोरी : योग



तपाईको प्रतिक्रिया दिनुहोस


ट्रेण्डिङ