कोरोना महामारी एउटा ठुलो लहर हो, मौसमी रोग नठानौ : डब्ल्यूएचओ

विश्व स्वास्थ्य संगठन (डब्ल्यूएचओ)ले कोरोना महामारी कुनै ‘मौसमी रोग’ नभएर एक ठुलो लहर भएको जनाएको छ। विश्व स्वास्थ्य संगठनकी प्रवक्ता मार्गेरेट ह्यारिसले कोरोना भाइरसको प्रशारणमा उठेको प्रश्नको जवाफ दिँदै भनिन्, ‘मानिस कोरोनालाई मौसमी रोग मानिरहेका छन्। तर कोरोना नयाँ भाइरस हो यो इन्फ्लुएन्जा जस्तो हैन जुन खास मौसममा लाग्छ। नयाँ कोरोनाको फरक खालको हर्कत छ।’

मार्गेरेट ह्यारिसले जेनेभामा आयोजित एक सम्मेलनको क्रममा भनिन्, ‘ठुलो भिडभाड र समारोहहरुमा कोरोना सुस्त गतिमा फैलिरहेको छ। यसलाई रोक्नुको साथै संचेत हुनु जरुरी छ। महामारी एक ठुलो लहर बन्न गैरहेको छ जसको ग्राफ बढ्ने-घट्ने भैरहन्छ।’

फ्लूको भ्याक्सिन लगाउने सल्लाह –

‘मार्गेरेट ह्यारिसका अनुसार कोरोना भाइरस हरेक मौसममा सक्रिय रहन्छ। दक्षिणी गोलार्धमा कोरोनाको साथै मौसमी इन्फ्लुएन्जाको केस बढ्नु एक संयोग मात्र हो। संगठनको यसमा लगातार ध्यान केन्द्रित छ। हालसम्म प्रयोगशालामा आएको स्म्यापलमा फ्लुको धेरै केस भने आएको छैन। यदि तपाईलाई श्वाससँग जोडिएको रोग भएमा संक्रमण हुँदा अवस्था झनै नाजुक हुनसक्छ। यस्तोमा हामी फ्लु विरुद्ध खोप लगाउन आग्रह गर्छौं।’

-एजेन्सीको सहयोगमा