ओम समाज डेन्टल हस्पिटल र एभरेष्ट बैकबीच सहुलियत सम्बन्धी सम्झौता

काठमाडौं—चाबहिलस्थित ओम समाज डेन्टल हस्पिटल र एभरेष्ट बैंकबीच ग्राहकहरुलाई छुट सम्बन्धी सम्झौता भएको छ । बुधबार एभरेस्ट बैंकको प्रधान कार्यालय लाजिम्पाटमा हस्पिटल र बैंकबीच दन्त रोगको उपचारमा छुट सम्बन्धि सम्झौता भएको हो ।

सम्झौतामा एभरेस्ट बैंककातर्फबाट केशवराज पौडेल र ओम समाज डेन्टल हस्पिटलका अध्यक्ष तथा वरिष्ठ दन्तरोग विशेषज्ञ डा.सुभाष घिमिरेले हस्ताक्षर गरेका थिए । उक्त सम्झौता बमोजिम एभरेस्ट बैंक कर्मचारी, कार्डबाहक तथा ग्राहकलाई ओम समाज डेन्टल हस्पिटलमा दन्त रोगको उपचारमा विशेष छुटको व्यवस्था गर्ने उल्लेख छ ।

सम्झौता समारोहमा बैंकका तर्फबाट पुष्पराज उप्रेती, प्रभात गुरागाई र ओम समाज डेन्टल हस्पिटलका तर्फबाट प्रशासन प्रमुख अजय रेग्मीको उपस्थिती रहेको थियो ।