सांसद केसीले जितिन कोरोना संक्रमण, बाँकेमा २८ जना डिस्चार्ज

बुटवल – प्रदेश नम्बर ५ की सांसद कृष्णा केसीले कोरोना संक्रमण जित्न सफल भएकी छन् । बाँके क्षेत्र नम्बर १ क बाट प्रदेशसभा सदस्य जितेकी केसी समाजिक सेवा कै क्रममा संक्रमित भएकी थिइन् ।

उनी सहित बाँकेका अन्य २८ जना समेत कोरोना संक्रमणमुक्त भएका छन् । उनीहरुको पिसिआर नेगेटिभ आए पछि डिस्चार्ज भएका हुन् । १३ जना महिला र बाँकी पुरुष सहित २८ जना संक्रमितहरु बिहीबार डिस्चार्ज भएको स्वास्थ्य कार्यालय बाँकेका फोकल पर्सन नरेश श्रेष्ठले जनाकारी दिए ।

श्रेष्ठका अनुसार बाँकेको खुल्ला कारागार आइसोलेसन सेन्टर, आइसोलेसन सेन्टर आदर्शनगर, होटेल सिटी प्यालेस आइसोलेसन सेन्टर, लायन्स डेन्टल आइसोलेसन सेन्टरलगायतका आइसोलेसन सेन्टरहरुमा रहेका कोरोना संक्रमितहरु डिस्चार्ज भएका हुन् ।