सप्तरीका कोरोना संक्रमितको धरानमा मृत्यु

धनुषा– विपी स्वास्थ्य विज्ञान प्रतिष्ठान धरानको कोभिड अस्पतालमा सप्तरीका एकजना संक्रमितको मृत्यु भएको छ । बिहीबार राति बोदेबर्साइन–३ की ७१ वर्षीय महिलाको उपचारका क्रममा मृत्यु भएको हो ।

निमोनियाले ग्रसित ती महिलालाई बिहीबार अस्पताल भर्ना गरिएको थियो । मृतकलाई बिहीबार नै कोरोना संक्रमण पुष्टि भएको थियो।
मृतकको शव गृह जिल्लामा नेपाली सेनाले व्यवस्थापन गर्ने जनाइएको छ ।