अमेरिकामा एकैदिन १ लाखभन्दा बढी संक्रमित अस्पताल भर्ना

विश्वमा कोरोना संक्रमितको संख्या ७ करोड ९१ लाखभन्दा बढी पुगेको छ। मृत्यु हुने संक्रमितको संख्या मात्रै साढे १७ लाखको हाराहारीमा छ। यसैबीच सबैभन्दा बढी कोरोना प्रभावित देश अमेरिकामा कोरोना विरुद्ध खोप अभियान सुरु भएतापनि अस्पतालमा भर्ना हुने संक्रमितको संख्यामा अत्याधिक वृद्धि भैरहेको छ।

सीएनएनको अनुसार पछिल्लो २४ घण्टामा १ लाख १९ हजार ४ सय भन्दा बढी संक्रमित अस्पताल भर्ना भएका छन्। एकैदिनमा अत्याधिक कोरोना विरामी भर्ना भएको यो पहिलो रेकर्ड हो। २२ दिन यता देखि लगातार अमेरिकी अस्पतालमा एक लाखको संख्यामा संक्रमित भर्ना भैरहेको जानकारी छ।

यसको एकदिन अघि मात्रै १ लाख १७ हजार संक्रमितलाई अमेरिकी अस्पतालले भर्ना लिएको थियो। सबैभन्दा बढी क्याल्फोर्नियाको अवस्था खराब छ। यहाँ अस्पतालमा बिरामीलाई राख्नको लागे ‘मेकसिफ्ट वार्ड’ बनिरहेको छ।

क्रिसमसमा यूरोपीय देशहरु मध्ये इटली सबैभन्दा बढी उत्साहित हुने देश हो । किनभने भेटिकन सिटी हुनुका कारण इसाई धर्मालम्बुपूरा लाभ लिने गर्छन। तर यसपटक सबै फिक्का भएको छ। सरकारले आवतजावत र भिडभाडमा प्रतिबन्ध लगाएसँगै यहाँका बजारहरु सुनसान छन्।

-एजेन्सी