फाइजरको खोप लगाएको ८ दिनपछि अमेरिकामा एक स्वास्थ्यकर्मीमा कोरोना पुष्टि

अमेरिकाको क्याल्फोर्नियामा एक कम्पाउण्डर (पुरुष नर्स)मा फाइजरको भ्याक्सिनको पहिलो डोज लिएको ८ दिन पछि कोरोना पुष्टि भएको छ। ४५ वर्षीय मैथ्यू डब्ल्यूले १८ डीसेम्बरमा खोप लगाएको बारे आफ्नो फेसबुकमार्फत जानकारी दिएका थिए।

अन्तर्राष्ट्रिय समाचार एजेन्सीअनुसार मेथ्युको क्रिसमसपछि कोरोना परीक्षण गराउँदा पोजेटिभ नतिजा आएको हो। उनले एक अन्तर्वार्तामा भने, ‘खोप लगाउँदा एक दिन हातमा मात्र दुख्यो र कुनै साइडइफेक्ट भएन।’ भ्याक्सिन लिएको ८ दिन पछि कोभिड -१९ युनिटमा काम गर्ने क्रममा अस्वस्थ महसूस भएको उनले बताए।

त्यहाँको एक फ्यामेली हेल्थ सेन्टर्सका एक संक्रामक रोग विशेषज्ञ क्रिश्चियन रेमरसले भने, ‘पहिलो डोजपछि यदि कोहि भाइरसको सम्पर्कमा आउँदा पोजेटिभ रिपोर्ट आउनु कुनै अप्रत्याशित मानिदैन। भ्याक्सिनबाट सुरक्षा पाउनको लागि १० देखि १४ दिन त लाग्छ नै ।’

फाइजरको भ्याक्सिनलाई अमेरिकामा इमरजेन्सी यूज अथोराइजेशनबाट मान्यता मिलेको थियो। फाइजरको तेश्रो चरणको तथ्याङ्कबाट भ्याक्सिन ९५ प्रतिशत प्रभावशाली पाइएको छ।

-एजेन्सी