भारतमा १६ जनवरीबाट कोभिड-१९ खोप सुरु, पहिलो चरणमा ३ करोड फ्रन्टलाइनरलाई दिइने

काठमाडौं—भारतमा १६ जनवरीबाट कोभिड—१९ विरुद्धको भ्याक्सिन दिइने भएको छ । भारतीय स्वास्थ्य मन्त्रालयकाअनुसार पहिलो चरणमा ३ करोड स्वास्थ्यकर्मी र फ्रन्टलाइनरलाई यो भ्याक्सिन दिइनेछ ।

त्यसपछि ५० भन्दामाथि उमेर भएका र ५० भन्दा कम उमेर भएका विभिन्न रोगका बिरामीलाई भ्याक्सिन दिइनेछ । भारतमा यस्ता मानिसहरुको जनसंख्या २७ करोड हाराहारीमा छ ।

प्रधानमन्त्रीको नरेन्द्र मोदीको अध्यक्षतामा महामारीबारे भएको बैठकपछि स्वास्थ्य मन्त्रालयले यो घोषणा गरेको हो ।