सिरहाको गोलबजार स्वास्थ्य चौकीमा नि:शुल्क शिविर सम्पन्न

धनुषा – सिरहाकोे गोलबजार स्वस्थ्य चौकीमा एक दिवसीय निशुल्क आँखा तथा कान शिविर सम्पन्न भएको छ । सगरमाथा चौधरी आँखा अस्पताल र स्वास्थ्य चौकीको संयुक्त आयोजना तथा नेपाल सरकार स्वास्थ्य मन्त्रालयको आर्थिक सहयोगमा नि:शुल्क शिविर सम्पन्न भएको हो ।

शिविरमा जम्मा बिरामी संख्या दुई सय ४१ जनाको उपचार गरिएको स्वास्थ्य चौकी प्रमुख सत्यनारायण यादवले बताए । जसमध्ये ४७ जनाको कानको उपचार र एक सय ९४ जनाको आँखा उपचार गरिएको बताइएको छ । ती मध्ये ७३ जनामा मोतिविन्दु देखिएको चौकी प्रमुख यादवले वताए ।

मोतियाविन्दु देखिएकाहरुको भने सगरमाथा चौधरी आँखा अस्पताल लहानमा नि:शुल्क शल्यक्रिया हुने बताइएको छ ।