विश्व स्वास्थ्य संगठनले १४५ गरिब राष्ट्रलाई खोप उपलब्ध गराउने

विश्व स्वास्थ्य संगठन (डब्लूएचओ)ले १ सय ४५ गरिब राष्ट्रलाई खोप उपलब्ध गराउने घोषणा गरेको छ। बिहिबार डब्लूएचओले करिब १ सय ४५ गरिब देशहरुलाई न्यायपूर्ण तरिकाले खोप वितरण गर्ने जनाएको हो।

डब्लूएचओले मार्चबाट सो अभियान सुरु गर्ने बताएको छ। जुलाईसम्म सो अभियान चल्ने छ। डब्लूएचओका अनुसार कोरोना खोपको वितरण भेदभावरहित ढंगबाट गरिने सुनिश्चित गरिनेछ।

विश्वमा महामारी रोकथामको लागि चल्ने खोप अभियानमा युनीसेफ वा संयुक्त राष्ट्र बाल कोष एक ठूलो भूमिका निभाइरहेको छ। यूनीसेफले डब्लूएचओको सो घोषणालाई स्वागत गर्दै पहिलोपटक खोप खरिद वृहतस्तरमा भैरहेको उल्लेख गरेको छ।

-एजेन्सी