थप ९६ जनामा कोरोना संक्रमण पुष्टि

काठमाडौं –  देशभर थप ९६ जनालाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार थप ९६ जनामा संक्रमण पुष्टि भएको हो ।

बिहिबार थपिएकामध्ये ४२ जना काठमाडौं उपत्यकाका छन् ।

यस्तै, पछिल्लो २४ घण्टामा १ सय ११ जना कोरोनामुक्त भएका छन् । हालसम्म २ लाख ६९ हजार ५ सय ५ संक्रमित निको भएका छन् ।

त्यस्तै, देशभर गरेर १३ जना संक्रमित भेन्टिलेटरमा र ६१ जना संक्रमितको आईसियुमा उपचार भैरहेको छ ।