वीरेन्द्रनगर—कर्णाली प्रदेश सामाजिक विकास मन्त्रालयले कर्णाली प्रदेश अस्पतालका लागि २१ जना चिकित्सक करार सेवामा लिने भएको छ । प्रदेश अस्पताल, सुर्खेतको स्वास्थ्य सेवाअन्तर्गतका विभिन्न समूह तथा उपसमूहमा प्राविधिक कर्मचारी सेवा करार लिन लागेको हो ।
करार सेवामा लिन लागिका लागि कर्णाली प्रदेश सामाजिक विकास मन्त्रालयले १० कार्तिकसम्म दरखास्त पेश गर्न आह्वान गरेको छ ।
सेवा माग गरेका करार पदमा पेडियाट्रिक्स/पेडियाट्रिक, पेडियाट्रिक्स/नियोनेटोलोजी, मेडिसिन/ग्याष्ट्रो, मेडिसिन/ट्रपिकल, मेडिसिन/नेफ्रोलोजी, मेडिसिन/न्यूरोलोजी, मेडिसिन/इन्डोक्राइनोलो, मेडिसिन/फरेन्सिक, सर्जरी/पेडियाट्रिक सर्जरी, सर्जरी/ग्याष्ट्रो, अटोरिनोल्यारेँगोलोजी, मेडिसिन/जनरल मेडिसिन, रेडियोलोजी/रेडियो, प्याथोलोजी/जनरल, मे.ल्या.टे./ज.मे.ल्या.टे. एक—एक जना रहेका छन् ।
त्यस्तै, एनेस्थेसियोलोजी दुई जना, ज.हे.स. तीन जना र स्वास्थ्य/विविध एक जना माग गरिएको छ ।
