भारतमा थपिए २ लाख नयाँ संक्रमित, तत्काल लकडाउन गर्न चिकित्सकहरुको अपिल

काठमाडौँ – भारतमा कोभिड-१९को दोस्रो लहर  आक्रामक बन्दै गैरहेको छ। यहाँ केहि साता देखि लगातार कोरोना संक्रमण बढ्दै गएको हो। विश्वको सबैभन्दा बढी केस भारतमा नै देखिरहेको अवस्था छ ।

पछिल्लो २४ घण्टामा मात्रै २ लाख नयाँ केस पुष्टि भएको छ।  १० दिनयता कोरोना मामला दोब्बर देखिएको त्यहाँको केन्द्रिय स्वास्थ्य मन्त्रालयले जनाएको छ ।

यस्तै, एकैदिनमा कोरोनाबाट १ हजार १ सय ३८ जनाले ज्यान गुमाएका छन् । यस भयावह अवस्था पछि देशका कयौं प्रमुख चिकित्सकहरुले सरकारलाई चांडो भन्दा चांडो लकडाउन लगाउन अपिल गरेका छन्। कोरोनाबाट सृजना भएको स्वास्थ्य संकटको सामना गर्न चिकित्सकहरुले लकडाउन गर्नु नै एउटा विकल्प रहेको जनाएका हुन्।

भारतका मेदान्ता अस्पतालका चेनका अध्यक्ष सह कार्डियोभास्कुलर र कार्डियोथोरेसिक सर्जन नरेश त्रेहनले भने,’भाइरसको नयाँ रुपबाट बच्न एक कडा लक्डाउन देशभर लगाउनु पर्ने देखिन्छ। अब अवस्था भयावह हुँदै गैरहेको छ।’

-एजेन्सी