मन्त्रालयले माग्यो तीन दिनभित्र एचडियु वार्डको तस्विरसहित विवरण, नत्र रकम रोक्का हुने

काठमाडौं—स्वास्थ्य तथा जनसंख्या मन्त्रालयले हाइ डिपेन्डेन्सी युनिट (एचडियु) सञ्चालन भएका वार्डहरुको विवरण मागेको छ । आइतबार मन्त्रालयले एचडियु सञ्चालन भएका वार्डको फोटोसहितको विवरण तीन दिनभित्र मन्त्रालयमा पठाउन भनेको हो ।

मन्त्रालयले तीन दिनभित्र एचडियु वार्डहरु सञ्चालन गर्न नसक्ने अस्पतालहरुको रकम रोक्का गर्न जनाएको छ ।

‘त्यसो हुन नसक्ने अवस्थामा मन्त्रालयबाट उपलब्ध गराइएको तथा गराइने भनिएको रकम रोक्का राखी अन्य प्रक्रिया अगाडि बढाइने व्यवहोरा सबैको जानकारीका लागि सुसूचित गरिन्छ,’ मन्त्रालय सह—प्रवक्ता समीरकुमार अधिकारीले भनेका छन् ।