२३ अस्पतालमा १ हजार एचडियु निर्माण लक्ष्यः कुन अस्पतालले कति गरे काम ?

काठमाडौं—सरकारले कोभिड—१९ पहिलो लहर चलिरहेकै बेला १ हजार हाइडिपेन्डेन्सी युनिट (एचडियु) तयार पार्ने लक्ष्यअनुरुप विभिन्न अस्पताललाई काम अगाडि बढाउन निर्देशन दिएका थियो । गत कात्तिकमा ३ महिनामा सक्ने गरी काठमाडौं उपत्यकाका अस्पतालहरु र धुलिखेल अस्पताल गरी २३ वटा अस्पतालले १ हजार एचडियु तयार पार्ने जिम्मेवारी पाएका थिए ।

तर, अहिलेसम्म पनि धेरै अस्पतालहरुमा एचडियु युनिट पूर्ण सञ्चालनमा ल्याउन सकेका छैन । स्वास्थ्य तथा जनसंख्या मन्त्रालयले तयार पारेको तथ्यांकअनुसार चार वटा अस्पतालले मात्र पूर्ण रुपमा तोकिएको समयमा एचडियु सञ्चालनमा ल्याएका छन् । तोकिएको समयमा एचडियु पूर्ण रुपमा सञ्चालनमा ल्याउने अस्पतालमा चापागाउँ अस्पताल २५ बेड, गंगालाल हृदय रोग केन्द्र २५ बेड, कान्ति बाल अस्पताल २५ बेड र एपीएफ अस्पतालले ५० बेडको एचडियु पूर्ण रुपमा सञ्चालनमा ल्याएका छन् ।

अन्य १९ वटा अस्पतालले भने केही प्रक्रियामा रहेको र केही सञ्चालनमा रहेको स्वास्थ्य मन्त्रालयलाई जानकारी गराएका छन् ।