डाक्टरकाे ‘स्वास्थ्य आमा’ पुस्तिका बिमोचन

विराटनगर-प्रसूती तथा स्त्रीरोग विशेषज्ञ डा. बालकृष्ण साहले लेखेको ‘आमा’ नामक स्वास्थ्य शिक्षा पुस्तिका बिमोचन गरिएको छ । विराटनगरमा मंगलबार एक कार्यक्रम आयोजना गरि उक्त पुस्तिका बिमोचन गरिएको हो ।

सो पुस्तिका विराटनगर महानगरपालिका उपप्रमुख इन्दिरा कार्की, सामाजिक विकास मन्त्रालय प्रदेश १ का स्वास्थ्य महाशाखा प्रमुख सागर प्रसाई, एबीसि नेपालकी प्रमुख तथा गैर सरकारी संस्था महासंघ मोरङको उपाध्यक्ष विष्णु शर्मा, लायन्स क्बल अफ हेल्थ प्रोफेसनलका उपाध्यक्ष सम्भू साह र डा. साहले संयुक्त रुपमा बिमोचन गरेका थिए ।

डा. साहले बजारमा ल्याएको आमा पुस्तिका स्वास्थ्य सचेतना मूलक रहेको छ । उक्त पुस्तिकामा २५ वटा स्वास्थ्य विषयसूचीहरु समावेश गरिएको छ । पुस्तिकामा गर्भको योजना कसरी बनाउने, गर्भको परिक्षण कहिले गर्ने देखि औषधि के के सवन गर्नेसम्म रहेको छ । यो पुस्तिका गर्भवती महिलाहरूको स्वास्थ्यको विषयमा जानकारी लिन बहुउपयोगी रहेको छ । डा. साहले लेखेको पुस्तिकको प्रकाशन लायन्स क्बल अफ विराटनगर हेल्थ प्रोफेसनलले गरेको हो । पुस्तिकाको मूल्य ५० रुपैया रहेको छ । सो पुस्तिका विराटनगरस्थित मैनाली पुस्तक पसलमा पाइन्छ ।