आईओएमले माग्यो निजी मेडिकल कलेजबाट उपप्राध्यापकमा आवेदन दिने ७९ जनाको थप कागजात

काठमाडौं—चिकित्साशास्त्र अध्ययन संस्थान (आईओएम)ले निजी मेडिकल कलेजमा पढाउने ७९ जना शिक्षिक/शिक्षिकाको थप विवरण माग गरेको छ । आईओएमले ५ साउनमा एक सूचना प्रकाशित गर्दै पद प्रमाणिकरणका लागि आवश्यक थप विवरण सात दिनभित्र पेश गर्न भनेको छ ।

आईओएमअन्तर्गतका निजी मेडिकल कलेजमा कार्यरत शिक्षक/शिक्षिकाको पद प्रमाणीकरणका लागि ६ चैत्र २०७७ देखि २० चैत २०७७ सम्म अनलाइन आवेदन माग गरिएको थियो ।

सो क्रममा उपप्राध्यापक पदमा आवेदन दिएकामध्ये ७९ जनाको विवरण स्पष्ट नभएकाले आईओएमले सात दिन भित्र विवरण पेश गर्न भनेको हो ।