ओम समाज डेन्टलद्धारा निःशुल्क दन्त प्रत्यारोपण तालिम

काठमाडौं–ओम समाज डेन्टल हस्पिटलले एक दिने निःशुल्क दन्त प्रत्यारोपण सम्बन्धी तालिम आयोजना गर्ने भएको छ । यही आश्विन ४ गते शनिबार बालुवाटारस्थित एक भवनमा दाँत प्रत्यारोपण  तालिम गर्न लागेको अस्पतालले जनाएको छ ।

कार्यक्रममा भारतका डा. एस.पी सिंह, नरेन्द्र सिंह (अर्मान) र ओम समाज डेन्टल हस्पिटलका बरिष्ठ दन्त रोग विशेषज्ञ डा.सुवाष घिमिरेलगायतका डाक्टरहरुले तालिम दिनेछन् ।

तालिममा नेपालका दन्त चिकित्सकहरुले भाग लिन पाउने छन् । कार्यक्रम बिहान ८ बजे देखि सुरु हुने अस्पतालले जनाएको छ ।
कार्यक्रममा दाँत प्रत्यारोपण को डेमो तथा ह्यान्डस अन समेत गराइने कार्यक्रम संयोजक डा.रुबी दासले जानकारी दिइन् ।

उनका अनुसार कार्यक्रममा सहभागी हुनेलाई दिईने प्रमाणपत्रलाई नेपाल मेडिकल काउन्सिलले ऋएम् अंक ५.५ दिएको छ ।