रेडक्रस दोलखा शाखालाई नयाँ एम्बुलेन्स

दोलखा–नेपाल रेडक्रस सोसाइटी दोलखा जिल्ला शाखालाई नयाँ एम्बुलेन्स प्राप्त भएको छ । स्वास्थ्य मन्त्रालय र आईएफआरसीको सहयोगमा रेडक्रस दोलखाले ख वर्गको नयाँ एम्बुलेन्स प्राप्त गरेको हो ।

स्वास्थ्य मन्त्रालयका प्रवक्ता र आईएफआरसीका प्रतिनिधिको उपस्थितिमा नेपाल रेडक्रस सोसाइटी केन्द्रीय कार्यालयबाट दोलखा जिल्ला शाखालाई ख वर्गको नयाँ एम्वुलेन्स प्रदान गरिएको दोलखा जिल्ला शाखाका सभापति गोकर्णप्रसाद पोखरेलले जानकारी दिए ।

कानुनी प्रक्रिया पूरा गरेपछि छिट्टै बिरामीहरुको सेवामा प्रयोग गरिने कुरा सभापति पोखरेलले जानकारी दिए । दोलखामा सबै पालिकाकाले एम्बुलेन्स सञ्चालनमा ल्याए तापनि रेडक्रस आफ्नै भने थिएन ।