यातायात मजदुर संगठनको ४३ औं स्थापना दिवसमा रक्तदान

चरिकोट–नेपाल यातायात स्वतन्त्र मजदुर संगठनको ४३ औं स्थापना दिवसको अवसरमा रक्तदान कार्यक्रम आयोजना गरिएको छ । मजदुर संगठन दोलखा जिल्ला कमिटीको आयोजनामा खुला रक्तदान आयोजना गरिएको थियो ।

जोकोही बिरामीलाई पनि सहज तरिकाले रगत प्राप्त गर्न सकोस् र मजदुरहरुले पनि समाजको लागि योगदान गर्न सकिन्छ भन्ने उद्धेश्यले खुला रक्तदान आयोजना गरिएको स्वतन्त्र मजदुर संगठन दोलखा जिल्ला कमिटीका सचिव शेखर थापाले बताए ।

सदरमुकाम चरिकोट सातदोबाटो चोकमा गरिएको कार्यक्रममा २० जनाले रक्तदान गरिएका थिए ।

कार्यक्रम नेपाल यातायात स्वतन्त्र मजदुर संगठन दोलखाका उपाध्यक्ष भुवन प्रधानको अध्यक्षतामा र नेकपा एमाले जिल्ला कमिटि दोलखाका अध्यक्ष नर बहादुर श्रेष्ठको प्रमुख आतिथ्यतामा भएको थियो । कार्यक्रम नेपाल रेडक्रस सोसाइटी दोलखा जिल्ला शाखाले समन्वय गरेका थिए ।