काठमाडौं—सशस्त्र प्रहरी बल अस्पताल बलम्बुको खर्च निकै घाटा रहेको पाइएको छ । महालेखा परीक्षकको ६० औं वार्षिक प्रतिवेदनले अस्पताल सम्बन्धी स्पष्ट नीतिगत तथा कानुनी दिगो रुपमा अस्पताल संचालन व्यवस्था गर्नुपर्ने सुझाव दिइएको छ ।
प्रतिवेदनअनुसार अस्पतालले यो वर्ष चालु तथा पुजीगत बजेटमा ४५ करोड ५२ लाख ९३ हजार खर्च गरेको देखिन्छ । उक्त रकम अस्पतालले प्रत्येक वर्ष पारिश्रमिक, औषधि खरिद र उपकरण खरिदलगायतमा खर्च गर्ने गरेको छ ।
अस्पतालले यो वर्ष सिटी स्क्यान, प्रयोगशाला परीक्षण, बिरामी भर्नालगायतबाट ८७ लाख ३७ हजार आम्दानी गरेको छ ।
अस्पताल संचालन तथा व्यवस्थापनका लागि सशस्त्र प्रहरी बल प्रधान कार्यलयले ११ सदस्सीय अस्पताल संचालक समिति गठन गर्ने गरेको छ ।
त्यसबाहेक अस्पताल सम्बन्धि छुट्टै नीतिगत व्यवस्था नरहेको भन्दैं महालेखाले नीतिगत व्यवस्था गरी अस्पताललाई दिगो रुपमा संचालन गर्न भनेको छ ।
यस्तै, सशस्त्र प्रहरी बल अस्पताल बलम्बुले ३ लाख ४४ हजार डलर मुल्य बराबरको सिटी स्क्यान मेसिन एउटा र २७ लाख ७५ हजार रुपैयाँ बराबरको रक्तचाप मनिटरिङलगायतका ६ प्रकारका उपकरण प्रयोगबिहीन अवस्थामा रहेको जनाएको छ ।
महालेखाले उक्त मेसिनको मर्मत सम्भार वा लिलामी बिक्री गरेर उचित व्यस्थापन गर्नसमेत भनेको छ ।
