चिकित्सा शिक्षा आयोगद्वारा प्रमाणपत्र तहका कार्यक्रम संचालन गर्ने १९६ कलेजको सिट निर्धारण

हेल्थ आवाज शुक्रबार, २०८० भदौ १ गते, ११:०७ मा प्रकाशित

काठमाडौं—चिकित्सा शिक्षा आयोगले प्राविधिक शिक्षा तथा व्यवसायिक तालिम परिषद् (सिटीइभिटी)अन्तर्गत चिकित्सा शास्त्रतर्फका प्रमाणपत्र तहका कार्यक्रम संचालन गर्ने १९६ कलेजको सिट निर्धारण गरेको छ । बिहीबार बसेको आयोगको कार्यकारी समिति बैठकले शैक्षिक सत्रका २०८०/०८१ का लागि सिटीइभिटीका १९६ कलेजको सिट निर्धारण गरेको हो ।

आयोगले पिसिएल नर्सिङ, पिसिएल आयुर्वेद, डिप्लोमा इन फार्मेसी, पिसीएल हेल्थ ल्याब टेक्नोलोजी विषयको सिट निर्धारण गरेको हो । यसैगरी, सामान्य चिकित्सा, डाइग्नोष्टिक रेडियोग्राफी, प्रमाणपत्र तह डेन्टल साइन्सको सिट पनि आयोगले बाँडफाँड गरेको छ ।

आयोगले सबै कलेजलाई केही विषमा ३० सिट र केही विषयमा ४० सिट दिएको छ । आयोगले परिषद्को सिफारिसका आधारमा सिट निर्धारण गरेको हो ।