अत्याधिक रक्तश्रावका कारण बाजुरामा सुत्केरीको मृत्यु

धनगढी-अत्याधिक रक्तस्रावका कारण बाजुरामा सुत्केरीको मृत्यु भएको छ । मृत्यु हुनेमा जगन्नाथ गाउँपालिका ५ गात्रीकी-३५ वर्षीया कापुल्ती रावल रहेकी छन् ।

सोमवार गोत्री सामुदायिक इकाई केन्द्रमा सुत्केरीको मृत्यु भएको स्वास्थ्य इकाईमा कार्यरत अमर बुढाले बताए । घरमै सुत्केरी भएकी रावलको साल अड्किएपछि बेहोस अवस्थामा उनलाई सामुदायिक स्वास्थ्य इकाई गोत्री पु¥याएको थियो ।

उनको उपचारका क्रममा मृत्यु भएको बुढाले बताए । बाजुरामा यसै आर्थिक वर्षमा चार जना सुत्केरीको मृत्यु भइसकेको छ । बाजुरा जिल्लाबाट यसअघि ५ जना सुत्केरीको हेलिकोप्टर मार्फत राष्ट्रपति उद्धार सहयोग कार्यक्रम मार्फा उद्धार गरिएको छ ।