यति अस्पतालमा कोभिड-१९ को निःशुल्क परामर्श सेवा

काठमाडौं-बाफलस्थित यति अस्पतालले कोभिड-१९ को निःशुल्क परामर्श दिने भएको छ । अस्पताल प्रशासनकाअनुसार कोभिड-१९ का बिरामीका लागि अस्पतालले निःशुल्क ओपीडी सेवा दिइरहेको छ ।

नेपालमा कोभिड-१९ को तेस्रो लहरमा अधिकांश बिरामीलाई ओमिक्रोन देखिइरहेको छ । ठूलो जनसंख्यालाई कोभिड-१९ को संक्रमण देखिएन थालेपछि सामाजिक उत्तरदायित्वअनुसार आफूहरुले निःशुल्क कोभिड-१९ ओपीडी सुरु गरेको अस्पतालका मेडिकल निर्देशक डा. दिपेन्द्र सिंहले जानकारी दिए ।

‘हामीले नियमित रुपमा कोभिड-१९ को निःशुल्क परामर्श सेवा दिइरहेका छौं,’ उनले भने, ‘यो महामारीको अवधिभर कोभिड परामर्श सेवा निःशुल्क उपलब्ध गराउने हाम्रो प्रयास हुनेछ ।’

डा. सिंहकाअनुसार कोभिड-१९ का अस्पताल भर्ना गर्नुपर्ने बिरामीका लागि अस्पतालमा जनरल कोभिड वार्ड, भेन्टिलेटर र कोभिड आईसीयुको समेत व्यवस्था छ ।