२०८१ साउन ४, शुक्रबार
Health Aawaj logo
गृहपृष्ठकर्णाली प्रदेशआर्थिक अभावले उपचार नपाएका बिरामीको गोठमा बास

आर्थिक अभावले उपचार नपाएका बिरामीको गोठमा बास


वीरेन्द्रनगर—हुम्लामा एक बिरामी उपचार नपाएर तीन वर्षदेखि गोठमा बस्न बाध्य भएका छन् । सिमकोट गाउँपालिका–२ ठेहे गाउँका २७ वर्षीया नरेन्द्र बोहरा तीन वर्षदेखि उपचार नपाएर गोठमा बस्न बाध्य भएका हुन् ।

आँखा नदेख्ने, हिँडडुल गर्न नसक्ने भए अवस्थाका बोहरालाई परिवारले गोठमा राखेका हुन् । उपचार गर्न आर्थिक अभाव भएपछि उनलाई गोठमा राख्नु परेको परिवारका सदस्यहरुले बताएका छन् ।

आँखा नदेख्ने र छारे रोगको कारण शरीर काम्ने भएको कारण हिँडडुल गर्न नसक्ने भएपछि गोठमा राख्नुुपर्ने बाध्यता रहेको बिरामीका दाइ रामबहादुुर बोहराले बताए । ‘पहिले पूरानो घर हुँदा परिवारका सदस्यसँगै बस्ने गरेको थियो,’ उनले भने, ‘नयाँ घर निर्माण गरिएकाले लिस्नो चढ्न नसक्ने भएपछि भाइलाई गोठमै राख्ने गरेका छौं ।’

बोहराले जन्मदेखि आँखा नदेख्ने समस्या थियो । ९—१० वर्षको उमेरमा छारे रोग लागेकाले स्वास्थ्य अवस्था झन कमजोर हुँदै गएको आफन्तहरुले बताए ।

बोहरालाई एक पटक जिल्ला अस्पतालमा लगिएको र त्यहाँ चिकित्सकहरुले सन्चो हुन नसक्ने बताएपछि पुनः कुनै अस्पताल वा उपचारमा नलगिएको दाइ रामबहादुरले बताए । ‘जिल्ला बाहिर आर्थिक अभावको कारण थप उपचारका लागि लग्न सकिएन्,’ उनले भने, ‘उपचारका लागि आर्थिक पनि भएन् । कता लैजानु ?’

बिरामी बोहरालाई परिवारका सदस्यहरुले खाना पकाएर गोठमै दिने गरेका छन् । बोल्न पनि नसक्ने उनले दिसा–पिसाब पनि गोठकै छेउमा गर्ने गरेका छन् ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ