निसर्गमा जन्मिए तिम्ल्याह शिशु

धनगढी—कैलालीको धनगढीस्थित निसर्ग अस्पतालमा तिम्ल्याह शिशुको जन्म भएको छ । धनगढी उप–महानगरपालिका—७ की २५ वर्षीय सजनदेवी डगौराले २ छोरा र एक छोरीलाई जन्म दिएकी हुन् ।

तीनै शिशु र आमाको स्वास्थ्य ठीक रहेको अस्पतालले जनाएको छ । अस्पतालकाअनुसार एक छोराको तौल २६ सय ग्राम, अर्को छोराको २३ सय ग्राम र छोरीको २१ सय ग्राम रहेको छ ।

डगौराको यो दोस्रो गर्भ थियो । पहिलो सन्तानको मृत्यु भैसकेको छ ।