२०८१ साउन १, मंगलबार
Health Aawaj logo
गृहपृष्ठसमाचारस्वास्थ्यमन्त्री ढकालको कोभिड–१९ रिपोर्ट नेगेटिभ, ५ दिन पछि मन्त्रालयमा

स्वास्थ्यमन्त्री ढकालको कोभिड–१९ रिपोर्ट नेगेटिभ, ५ दिन पछि मन्त्रालयमा


काठमाडौं– कोभिड–१९ को आशंकामा ५ दिनदेखि होम क्वारेन्टाइनमा बसेका स्वास्थ्य तथा जनसंख्या मन्त्री भानुभक्त ढकालको ल्याब रिपोर्ट नेगेटिभ आएपछि बुधवार दिउँसो मन्त्रालय आएका छन् ।

मंगलबार बिहान इपिडिमियोलोजी तथा रोग नियन्त्रण महाशाखाको टोलीले मन्त्री ढकालको थ्रोड स्वाव लिएको थियो । सो थ्रोड स्वाव राष्ट्रिय जनस्वास्थ्य प्रयोगशाला टेकुमा जाँच गर्दा कोरोना नेगेटिभ रिपोर्ट आएको इडिसिडिका निर्देशक डा. वासुदेव पाण्डेले बताए ।

‘आज राष्ट्रिय जनस्वास्थ्य प्रयोगशालामा परीक्षण गरेको रिपोर्ट नेगेटिभ आएको छ,’ डा पाण्डेले भने । रिपोर्ट नेगेटिभ आएसँगै मन्त्री ढकाल ५ दिनपछि मन्त्रालय आएका हुन् ।

मन्त्री ढकाल अघिल्लो बुधवार  मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा भर्ना भएका एक बिरामीलाई भेट्न गएका थिए । उनले भेटेर फर्किएका ती बिरामीमा दुई दिनपछि कोरोना पोजेटिभ देखिएसँगै मन्त्री ढकाल  उच्च सतर्कता अपनाउँदैं होम क्वारेन्टाइनमा बसेका थिए ।


क्याटेगोरी : समाचार
ट्याग : #कोभिड-१९, #भानुभक्त ढकाल, #स्वास्थ्य तथा जनसंख्या मन्त्रालय


तपाईको प्रतिक्रिया दिनुहोस


ट्रेण्डिङ