×
२०७७ साउन २७, मंगलबार
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारकोरोना संक्रमितको नेपालमै पहिलो पटक प्लाज्मा थेरापीबाट सफल उपचार

कोरोना संक्रमितको नेपालमै पहिलो पटक प्लाज्मा थेरापीबाट सफल उपचार


काठमाडौं—नेपालमै पहिलो पटक त्रिवि शिक्षण अस्पतालमा कन्भालेसेन्ट प्लाज्मा थेरापीबाट एक जना गम्भीर कोरोना संक्रमितको सफल उपचार भएको छ । शिक्षण अस्पतालमा कोरोना संक्रमणबाट गम्भीर बिरामी भएका एक जनामा उक्त उपचार पद्धतिबाट सफल उपचार भएको हो ।

अस्पतालका कोभिड—१९ व्यवस्थापन संयोजक प्रा.डा. सन्तकुमार दासकाअनुसार ६५ वर्षीय ती कोरोना संक्रमित बिरामीमा तीन दिनअघि प्लाज्मा थेरापी गरिएको हो । कोरोना संक्रमणबाट फोक्सो जटिल समस्या देखिएका ती बिरामीलाई आईसीयु विद अक्सिजनमा राखेर ९० प्रतिशत अक्सिजन दिनु परेको डा. दासले बताए ।

प्लाज्मा थेपारी गरिएपछि तीन दिनमै अक्सिजन दिनुपर्ने मात्रा घटाएर २४ प्रतिशतमा झारिएको छ । ती बिरामीलाई अब सामान्य बेडमा सार्ने तयारी भैरहेको डा. दासले बताए । यो पद्धतिबाट कोरोना संक्रमित बिरामीमा नेपालमै गरिएको पहिलो उपचार हो ।

विराटनगरका ती संक्रमितलाई केही दिनअघि उपचारका लागि त्रिवि शिक्षण अस्पतालमा ल्याइएको थियो । उनलाई २६ वर्षीय कोरोना संक्रमणबाट निको भएका युवकले प्लाज्मा दिएका थिए ।

के हो कन्भालेसेन्ट प्लाज्मा थेरापी ?

सरुवा रोग विशेषज्ञ डा. अनुप बाँस्तोकाअनुसार कन्भालेसेन्ट प्लाज्मा थेरापी भनेको कोरोना संक्रमणबाट निको भएका व्यक्तिहरुको रगतबाट प्लाज्मा छुट्याएर कोरोनाका कारण गम्भीर बिरामी भएकाहरुलाई दिइन्छ । उक्त प्लाज्मामा रोग प्रतिरोधात्मक क्षमता विकास भैसकेको हुँदा संक्रमितमा भएको भाइरसलाई न्युट्रलाइज वा कन्ट्रोल गर्न सक्ने उनी बताउँछन् ।

यो उपचार पद्धति विश्वका विभिन्न देशहरुमा परीक्षणका रुपमा रहेको छ । नेपालमा पनि यो उपचार पद्धतिलाई केही बिरामीहरुमा प्रयोग गरिरहेको उनको भनाइ छ ।


क्याटेगोरी : समाचार


तपाईको प्रतिक्रिया दिनुहोस