काठमाडौं उपत्यकामा ३ सय १ सहित थप ८ सय ८५ जनामा कोरोना संक्रमण पुष्टि

काठमाडौं – काठमाडौं उपत्यकामा ३ सय १ सहित थप ८ सय ८५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ८ सय ८५ जनामा कोरोना संक्रमण देखिएको हो ।

काठमाडौंमा उपत्यकाका ३ सय १ मध्ये काठमाडौंका २ सय ३० जनामा कोरोना संक्रमण देखिएको छ । यस्तै, ललितपुरका ४७ जना र भक्तपुरमा २४ जनामा कोरोना पुष्टि भएको छ ।

बुधबार ८ सय ८५ नयाँ संक्रमित थपिएसँगै नेपालमा कोरोना संक्रमित हुनेको संख्या ३४ हजार ४ सय १८ पुगेको छ । अहिलेसम्म कोरोना निको भएर १९ हजार ५ सय ४ जना घर फर्किएका छन् ।

पछिल्लो २४ घण्टामा ११ जना कोरोना संक्रमितको मृत्यु भएको छ । यससँगै नेपालमा कोरोनाबाट मृत्यु हुनेको संख्या १ सय ७५ जना पुगेको छ ।