रौतहटका संक्रमितको बीरगन्जमा मृत्यु

जनकपुर – कोरोना संक्रमणबाट प्रदेश २ मा फेरी एक जनाको मृत्यु भएको छ । रौतहटको ईशनाथ नगरपालिका ४ का ७४ वर्षीय पुरुषको संक्रमणबाट मृत्यु भएको हो ।

नेशनल मेडिकल कलेजले सञ्चालन गरेको अस्थायी कोरोना अस्पतालमा उपचाका क्रममा ति पुरुषको मृत्यु भएको हो । अस्पतालका फोकल पर्सन डाक्टर असरफ हुसेनका अनुसार गत शुक्रवार कोरोना पुष्टि भएपछि उनी अस्पतालमा भर्ना भएका थिए ।

यससँगै प्रदेश २ मा कोरोनाबाट मृत्यु हुनेको संख्या १३४ पुगेको छ ।