काठमाडौं उपत्यकामा ४६० सहित थप १०३२ जनामा कोरोना संक्रमण

काठमाडौं-पछिल्लो २४ घण्टामा काठमाडौं उपत्यकामा ४६० सहित थप १०३२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयकाअनुसार थपिएका संक्रमितमध्ये महिला ४०२ जना र पुरुष ६२२ जना रहेका छन् ।

४६० जना संक्रमित थपिएको काठमाडौं उपत्यकामा २०४ जना महिला र २५६ जना पुरुषमा कोरोना संक्रमण देखिएको छ ।

मन्त्रालयले पछिल्लो २४ घण्टामा २२०६ जनाले कोरोना संक्रमण जितेको जनाएको छ ।

यस्तै, देशभर ३१२ जना कोरोना संक्रमितको आईसीयु र ४५ जनाको भेन्टिलेटरमा उपचार भइरहेको मन्त्रालयले उल्लेख गरेका छ ।
पछिल्लो २४ घण्टामा कोरोना संक्रमण भएका १० जनाको मृत्यु भएको छ ।