काठमाडौं—एन्टीजेन खरिद प्रक्रिया सुरु नहुँदैं विवाद देखिन थालेपछि तत्कालका लागि खरिद रोकिएको छ । स्वास्थ्य मन्त्रालय स्रोतकाअनुसार विवाद सुरु भएपछि खरिद प्रक्रिया तत्कालका लागि रोकिएको हो ।
‘आवश्यक परे पछि खरिद गरिनेछ,’ मन्त्रालय स्रोतले भन्यो, ‘अहिले तत्कालका लागि एन्टीजेन खरिद गर्ने प्रक्रिया रोकिएको छ ।’
सरकारले यसअघि ३० करोड मूल्य बराबरको एन्टीजेन खरिद गर्ने निर्णय गरेको थियो । स्वास्थ्य मन्त्रालयले ३ लाख एन्टीजेन किट खरिदका लागि २४ पुसभित्रै टेन्टर आव्हान गर्ने तयारी समेत अगाडि बढाएको थियो ।
मन्त्रालयले समुदायमा कोरोना भए नभएको पत्ता लगाउन लागि द्रुत एन्टीजेन परीक्षण किटलाई २५ भदौमा स्विकृती दिने निर्णय गरेको थियो ।
तर, यसमा विवाद देखिएपछि मन्त्रालय तत्कालका लागि खरिद प्रक्रियाबाट पछि हटेको हो ।
