काठमाडौं— थप ५ जना संक्रमितको मृत्यु भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ५ जना संक्रमितको मृत्यु भएको हो।
यससँगै नेपालमा कोभिड़-१९ बाट ज्यान गुमाउने संख्या १ हजार ९ सय ४८ जना पुगेको छ।
यस्तै, आज मुलुकभर गरेर भेन्टिलेटरमा ३८ जना र आइसीयुमा १ सय ६५ जना संक्रमितको उपचार भैरहेको छ। हाल बागमती प्रदेशमा २० जना, गण्डकी प्रदेशमा ९ जना, लुम्बिनी प्रदेशमा ७ जना, प्रदेश १ मा १ जना र सूदुरपश्चिम प्रदेशमा १ जना संक्रमित भेन्टिलेटरमा उपचाररत छन् ।
त्यसैगरी, बागमती प्रदेशमा ६० जना, गण्डकी प्रदेशमा ६३ जना, लुम्बिनी प्रदेशमा ३७ जना, कर्णाली प्रदेशमा २ जना, सुदूरपश्चिम प्रदेशमा १ जना र प्रदेश १ मा २ जना संक्रमित आइसीयुमा उपचाररत छन् ।