भारतमा शनिबारबाट कोभिड–१९ खोप अभियान सुरु

काठमाडौं– छिमेकी देश भारतले शनिबारबाट कोभिड– १९ विरुद्धको खोप लगाउन सुरु गरेको छ । भारतले पहिलो चरणमा ३ करोड जनतालाई खोप लगाउने तयारी गरेको हो ।  खोप अभियानको शनिवार भिडियो कन्फ्रेन्स मार्फत भारतका प्रधानमन्त्री नरेन्द्र मोदीले उद्घाटन गरेका हुन् ।

उनले कोरोनाका कारण धेरै मानिसको मृत्यु भएको र अब त्यस विरुद्धको खोप लगाएर जनताले त्यसको ऋण चुत्ता गरिरहेको बताए ।
भारतले पहिलो चरणमा स्वास्थ्यकर्मी र अग्रभागमा बसेर काम गर्ने ३ लाख १५ हजार ३७ जनालाई शनिवार खोप लगाउँदै छ । भारतका २९ वटै राज्यमा एकैपटक यो अभियान सुरु भएको प्रधानमन्त्री मोदीले बताए ।

उनले भ्याक्सिन बनाउने वैज्ञानिकहरुलाई बधाई समेत दिए भारतमा २ कम्पनीले बनाएको खोपलाई प्रयोग गर्न अनुमती दिइएको छ ।
डिसिसिआइले सिरम इन्स्टिच्युटद्धारा भारतमा उत्पादित एस्ट्रेजेनको कोभिसिल्ड र भारत बायोन्टेकको ‘कोभ्याक्सिन’ खोप लगाउन अनुमति दिएको हो ।