२०८१ असार ३०, आईतबार
Health Aawaj logo
गृहपृष्ठसमाचारमोरङको रंगेली जिल्ला अस्पताललाई ५० शैय्याको बनाइने, प्रदेश सरकार मातहत ल्याउने निर्णय

मोरङको रंगेली जिल्ला अस्पताललाई ५० शैय्याको बनाइने, प्रदेश सरकार मातहत ल्याउने निर्णय


विराटनगर—मोरङको रंगेली जिल्ला अस्पताललाई ५० शैय्याको अस्पतालको रूपमा स्तरोन्नती गरिने भएको छ । प्रदेश १ सरकारले जिल्ला अस्पताल रंगेलीलाई ५० शैय्याको बनाउने निर्णय गरेको हो ।

स्थानीय सरकार मातहत रहेको जिल्ला अस्पताल रंगेली १५ शैय्याको मात्रै छ । बुधबार बसेको मुख्यमन्त्री तथा मन्त्रिपरिषद बैठकले जिल्ला अस्पताललाई स्तरोन्नती गरी प्रदेश मातहतमा रहेन प्रदेश १ सरकारका प्रवक्ता सामाजिक विकास मन्त्री, आन्तरिक मामिला तथा कानुन मन्त्री हिक्मतबहादुर कार्कीले जानकारी दिए । उनले जिल्लास्तरको अस्पताललाई स्तरोन्नती गरी प्रदेश मातहत ल्याउने निर्णय भएको बताए ।

स्थानीय तह मातहत रहेको अस्पताललाई प्रदेश मातहत ल्याउन संघीय सरकारको अनुमति आवश्यक पर्छ । अनुमतिका लागि संघीय सरकारलाई प्रदेश र स्थानीय तहले पत्र पठाउने उनले बताए । संघीय सरकारले अनुमति दिएपछि प्रदेश सरकारले स्तरोन्नतीको प्रक्रिया सुरु गर्नेछ ।

रंगेली जिल्ला अस्पतालम मोरङको उत्तरी क्षेत्र कानेपोखरी गाउँपालिका, पूर्व पश्चिम रतुवामाई, सुनवर्षी नगरपालिका र स्थानीय रंगेली नगरपालिका बिरामीले दैनिक ३ सय बिरामीले ओपीडिमा सेवा लिने गरेका अस्पतालले जनाएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ