२०८१ साउन २, बुधबार
Health Aawaj logo
गृहपृष्ठसमाचारकोभिड–१९ संक्रमित घट्दै तर, नयाँ भाइरसको जोखिम कायमै

कोभिड–१९ संक्रमित घट्दै तर, नयाँ भाइरसको जोखिम कायमै


काठमाडौ– पछिल्लो केही हप्ता यता कोरोना संक्रमण पुष्टि हुनेको संख्या दैनिक १ सय ५० जना भन्दा तल छ । कोरोनाका केस घट्दै गएको र सरकारले कोरोना विरुद्धको खोप अभियान समेत चलाएकाले केही दिनमा कोरोना नियन्त्रणमा आउने अधिकारीहरु बताउँछन् ।  तर, विभिन्न देशमा नयाँ प्रजातिको भाइरस देखिन थालेको छ । जसले चिकित्सकहरुमा चिन्ता थपेको छ ।

गत पौष २७ गते बेलायतबाट आएका तीन जना नेपालीमा नयाँ प्रजातिको भाइरस पुष्टि भएको थियो । कोभिड–१९ भन्दा कयौं गुणा तिव्र फैलने भएकाले बेलायतमा देखा परेको नयाँ भाइरस प्रति सबै चिन्तित छन् । भेरियन्ट नाम दिइएको उक्त नयाँ भाइरस हालसम्म ८० बढी देशमा पुगिसकेको छ ।

इपिडिमियोलोजी तथा रोग नियन्त्रण महाशाखाका अनुसार केही हप्ता अघि पोखरामा पनि नयाँ प्रकारको भाइरस भेटिएको थियो । कोरोना परिक्षण गर्दा एस जीन नेगेटिभ आएपछि केन्द्रिय प्रयोगशाला टेकुमा समेत परीक्षण गरिएको थियो । तर, त्यहाँ पनि केही नमुनामा एस जीन नेगेटिभ देखिएपछि नयाँ प्रकारको भाइरस समूदाय स्तरमा पुगेको अनुमान गरिएको छ ।

हाल देखिँदै आएको कोरोना भाइरसमा चुच्चो–चुच्चो आकार (स्काइप प्रोटिन) परीक्षणका क्रममा देखिनुपर्छ । तर, नयाँ प्रकारको भाइरस हुँदा यो हराएर जान्छ । एस जीन नदेखिएपछि भाइरसको प्रकार परिवर्तन भएको मानिन्छ । नयाँ प्रजातिको कोरोना भाइरस पहिचान गर्ने प्रयोगशाला नेपालमा छैन । जिनोम सिक्वेन्सिङ गरेर मात्र नयाँ स्वरूपको भाइरस भए नभएको छुट्याउन सकिन्छ । इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेलका अनु्सार केही हप्ता भित्र राष्ट्रिय जनस्वास्थ्य प्रयोगशाला टेकुमा पनि जिनोम सिक्वेन्सिङ गरेर मात्र नयाँ स्वरूपको भाइरस पत्ता लगाउन सकिन्छ । त्यसका लागि आवश्यक उपकरण जोड्ने काम भइरहेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ