काठमाडौं—एकैदिन १४ हजार बढी कोरोना भाइरस विरुद्धको भ्याक्सिन कोभिशिल्डको पहिलो डोज लिएका छन् । आइतबार एकैदिन १४ हजार ५ सय २० जनाले कोरोना विरुद्धको खोप लिएका हुन् ।
यसअघि अपेक्षा गरेअनुसार खोप अभियान अगाडि बढेको थिएन । तर, आइतबार छुट भएका स्वास्थ्यकर्मी, पत्रकार, जनप्रतिनिधी, स्वयंसेवक, वित्तिय संस्थामा कार्यरत कर्मचारी, निजामती सेवाका कर्मचारी, सुरक्षाकर्मीलाई खोप दिन सुरु गरेको हो ।
सरकारले पहिलो चरणमा फ्रन्टलाइनमा काम गर्ने स्वास्थ्यकर्मी, सफाइकर्मीलाई खोप दिएको थियो । त्यसपछि संचारकर्मी र कुटनीतिक नियोगका अधिकारीलाई खोप दिइसकेको छ ।
