२०८१ असार ४, सोमबार
Health Aawaj logo
गृहपृष्ठसमाचारओली सरकारका तीन वर्षः यी हुन स्वास्थ्य क्षेत्रमा भएका ११ काम

ओली सरकारका तीन वर्षः यी हुन स्वास्थ्य क्षेत्रमा भएका ११ काम


काठमाडौं—प्रधानमन्त्री केपी शर्मा ओलीले आफूले सरकार सम्हालेको तीन वर्षका उपलब्धि सार्वजनिक गरेका छन् । सोमबार प्रधानमन्त्री ओलीले सिंहदबारस्थित मन्त्रिपरिषद्को कार्यलयको प्राणगणबाट एक कार्यक्रममार्फत आफ्नो सरकारका उपलब्धिहरु सार्वजनिक गरेका हुन् ।

ओलीले सत्ता सम्हालेको १ हजार ९३ दिनमा स्वास्थ्य क्षेत्रमा पनि विविध काम भएको फेरिहस्त प्रस्तुत गरेका छन् । जसमा कोभिड—१९ नियन्त्रणदेखि खोप अभियानसम्मका कुराहरु समेटिएका छन् ।

१) स्वास्थ्य संस्थाः १ सय १५ थपसहित ६९८ निर्माण सम्पन्न

२) २१ लाख बढीको पिसीआर परीक्षण भइसकेको र परीक्षण जारी रहने ।

३) शुन्यबाट ८३ पीसीआर ल्याब पुगेको

४) माघ महीनाको अन्त्यसम्मको प्रतिवेदनअनुसार संक्रमित संख्या २७२,५५७ छ । यो संक्रमण दर कूल जनसंख्याको १ प्रतिशतभन्दा कम रहेको छ । निको हुने दर ९८.६ प्रतिशत छ । कोभिड–१९ को मृत्युदर करिब १ प्रतिशत छ । सरकारले कोभिड–१९ बिरुद्धको उपचार निःशुल्क गर्ने व्यवस्था मिलायो । मृत्यु हुनेमध्ये ९० प्रतिशतभन्दा बढीको मृत्यु अस्पतालमा नै भएको छ ।

५) कोभिड–१९ का संक्रमितलाई आईसीयु र भेन्टिलेटरमै राखेर उपचार गर्नुपर्ने हुनसक्छ भनी छुट्याइएका थियौं । तर हामीले गरेकोतयारीको तुलनामा आईसीयु प्रयोग गर्ने र भेन्टिलेटरमा राख्नु पर्ने कोभिडका विरामीको संख्या निकै न्यून
रहेको छ ।

६) अहिले हामी सबै नागरिकलाई निःशुल्क खोप उपलब्ध गराउने चरणमा छौँ । विश्वमा कोभिड–१९ बिरुद्धको खोप लगाउन प्रारम्भ गरिएको एक डेढ महिनाभित्रै हामीले यो खोप लगाउन प्रारम्भ गरेका छौं । यसरी खोप अभियान शुरु गर्नेमा नेपाल, दक्षिण एशियामै दोस्रो मुलुक भएको छ । माघ ३० गतेसम्म खोप लगाउनेको संख्या १ लाख ८८ हजार ९८३ पुगेको छ ।

७) अस्पताल र स्वास्थ्य चौकीमा उपलब्ध ६४९० सैय्यामा ३८.४ प्रतिशत अर्थात २ हजार ४ सय ९२ थप गरिएको । अस्पताल र स्वास्थ्य चौकीमा उपलब्ध कुल सैय्या ८९८२ पुगेको ।

८) ३९० स्थानीय तहमा आधारभूत अस्पताल निर्माणका लागि एकै पटक शिलान्यास । आगामी दुई वर्षभित्र सम्पन्न हुने स्थानीयस्तरका यी अस्पतालहरुमा थप ८ हजार सैया उपलब्ध हुनेछन् ।

९) अर्को वर्ष थप २०४ स्थानीयस्तरका अस्पताल निर्माण सुरु हुने ।

१०) आईसीयु सैय्या ४ सय, भेन्टिलेटरसहितको सैय्या ३ सय र उच्च निर्भरता (हाइ डिपेन्डेन्सी)का लागि २ हजार सैय्या थपिएको ।

११) कोभिड—१९ को महामारीको सामना गर्ने क्रमसँगै केन्द्रमा ३ सय वेड र सबै प्रदेशमा ५० बेडको संक्रामक रोग अस्पताल निर्माण गर्न प्रक्रिया प्रारम्भ गरिएको ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ