×
२०७७ फागुन २२, शनिबार
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारचिकित्सक लाइसेन्स परीक्षामा ५४.४७ प्रतिशत पास

चिकित्सक लाइसेन्स परीक्षामा ५४.४७ प्रतिशत पास


काठमाडौं—चिकित्सक नाम दर्ता (लाइसेन्स) परीक्षाको नतिजा सार्वजनिक भएको छ । मंगलबार काउन्सिलले ९, १० र ११ फागुनमा लिएको चिकित्सकको लाइसेन्स परीक्षाको नतिजा सार्वजनिक गरेको हो ।

 समग्रमा लाइसेन्स परीक्षामा ५४.४७ प्रतिशत उत्तीर्ण भएका छन् ।

काउन्सिलका रजिष्ट्रार कृष्णप्रसाद अधिकारीकाअनुसार लाइसेन्स परीक्षामा मेडिकलकतर्फ ५५.७ प्रतिशत उत्तीर्ण भएका छन् भने डेन्टलतर्फ ४४.८ प्रतिशत उत्तीर्ण भएका छन् । ‘मेडिकलतर्फ ६५४ जना (५५.७ प्रतिशत) र डेन्टलतर्फ ९४ जना (४४.८ प्रतिशत) उत्तीर्ण भएका छन्,’ उनले भने ।

चिकित्सक दर्ता प्रमाणपत्र परीक्षामा मेडिकलतर्फ ११६४ जना र डेन्टलतर्फ २०९ जना गरी जम्मा १३७३ जना परीक्षार्थी सहभागी रहेका थिए । नतिजाअनुसार नाम दर्ता परीक्षामा एमबीबीएसतर्फका ५१० जना र डेन्टलतर्फका ११५ जना फेल भएका छन् ।

अधिकारीकाअनुसार परीक्षाको नतिजामा चित्त नबुझेमा परीक्षार्थीले सूचना प्रकाशित भएको ३५ दिनभित्र पुनर्योगका लागि १ हजार ५ सय रुपैयाँ दस्तुर बुझाएर काउन्सिललाई इमेलमार्फत आवेदन दिन सक्नेछन् ।


क्याटेगोरी : समाचार



तपाईको प्रतिक्रिया दिनुहोस