काठमाडौं – काठमाडौं उपत्यकामा ५२ जना सहित देशभर थप १ सय १० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा थप १ सय १० जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमितको संख्या २ लाख ७३ हजार ६ सय ६६ रहेको छ।
पछिल्लो २४ घन्टामा संक्रमण मुक्त भई १ सय २ जना डिस्चार्ज भएका छन् । हालसम्म नेपालमा कोरोना मुक्त हुनेको संख्या २ लाख ७० हजार ६८ जना पुगेको छ ।
नेपालमा हाल ४६ जना कोरोना संक्रमितको आईसियू र १२ जनाको भेन्टिलेटरमा उपचार भैरहेको मन्त्रालयले जनाएको छ । अहिले १ हजार ६ जना संक्रमित संस्थागत आइसोलेसनमा छन् ।
यस्तै, हाल १ सय ६५ वटा खोप केन्द्रबाट अभियान चलिरहेको छ । भने, हालसम्म ४ लाख २८ हजार ९ सय २४ जना नागरिकले खोप प्राप्त गरिसकेको मन्त्रालयले जनाएको छ ।
पछिल्लो २४ घन्टामा कोरोनाबाट ज्यान गुमाउनेको संख्या ४ रहेको छ ।
