×
२०७८ वैशाख ४, शनिबार
×
गृहपृष्ठसमाचार२७ वटा आधारभूत अस्पताल निर्माणमा विवाद, १ सय ६५ वटाको टेन्डर

२७ वटा आधारभूत अस्पताल निर्माणमा विवाद, १ सय ६५ वटाको टेन्डर


काठमाडौं—सरकारले १५ मंसिरमा एकै दिन ३ सय ९६ वटा आधारभूत अस्पतालको एकै दिन शिलान्यास गरेको थियो । हरेक पालिकामा एक–एक वटा आधारभूत अस्पताल बनाउने महत्वकांक्षी योजनाअनुसार स्वास्थ्य तथा जनसंख्या मन्त्रालयले अस्पताल नभएकामध्ये पहिलो चरणमा ३ सय ९६ पालिकामा शिलान्यास गरेको हो ।

सरकारले दुई महिना भित्र निर्माण कार्य थाल्ने बताएपनि हालसम्म अगाडि बढ्न सकेको छैन । स्वास्थ्य मन्त्रालयका अनुसार हालै १ सय ६५ आधारभूत अस्पताल निर्माणको भने टेन्डर भएको छ । अहिलेसम्म अस्पताल नभएका सबै स्थानीय तहमा ५, १० र १५ शैय्याका आधारभूत अस्पताल दुई वर्ष भित्र बनाउने योजना सरकारको योजना छ ।

३ सय ९६ स्थानीय तहमा भवन निर्माणका लागि यो वर्ष ६ अर्ब १२ करोड २६ लाख निकासा गरिएको छ  । अस्पताल निर्माण र उपकरण जडान गर्न करिब ५८ अर्ब खर्च हुने अनुमान छ ।

पछिल्लो प्रगति विवरणअनुसार १७ वटाको अहिलेसम्म कुनै पनि काम अगाडि बढेको छैन भने २७ वटा विवादमा छ । त्यस्तै २ सय ७१ वटाको डिपीआर तयार भएको छ ।

ग्रामीण क्षेत्रमा प्राथमिक स्वास्थ्य सेवा विस्तार गर्ने उद्देश्यसहित सरकारले सातै प्रदेशमा आधारभूत अस्पतालको निर्माण गर्न लागेको हो । मन्त्रालयकाअनुसार ५ शैय्याका ५२, १० शैय्याका १ सय ९ र १५ शैय्याका ३५ अस्पताल बनाइनेछन् ।


क्याटेगोरी : समाचार


तपाईको प्रतिक्रिया दिनुहोस


जम्मा संक्रमित (नेपाल)
निको भएको
मृत्यु
जम्मा संक्रमित (विश्व)