स्थानीय स्वास्थ्य सेवा केन्द्र स्वास्थ्य मन्त्रालयको पूर्व सहमति बिना स्थानान्तरण गर्न नपाइने

काठमाडौं—स्वास्थ्य तथा जनसंख्या मन्त्रालयको पूर्व सहमति बिना स्थानीय तहमा रहेका स्वास्थ्य सेवा केन्द्र स्थानान्तरण गर्न नपाइने भएको छ । १३ फागुनमा ७५३ स्थानीय तहलाई पत्राचार गर्दै मन्त्रालयको पूर्व सहमति बिना स्थानान्तरण गर्न नपाइने  निर्देशन दिएको हो ।

स्वास्थ्य मन्त्रालयले सचिवस्तरीय निर्णय गर्दै स्थानीय तहमा सञ्चालमा रहेका स्वास्थ्य सेवा केन्द्र स्थानान्तरणका लागि मन्त्रालयको पूर्व सहमति अनिवार्य गरेको हो ।

‘स्थानीय तहअन्तर्गत स्थापना/सञ्चालनमा रहेका आधारभूत स्वास्थ्य सेवा केन्द्र/सहरी स्वास्थ्य सेवा केन्द्र/स्वास्थ्य चौकी/अस्पतालहरु यस मन्त्रालयको पूर्व सहमति बिना सञ्चालनमा रहेको स्थानबाट अन्यत्र स्थानान्तरण नगर्न/नगराउन हुन यस मन्त्रालय सचिवस्तर मिति २०७७/११/१३ को निर्णयानुसार अनुरोध छ,’ मन्त्रालयले स्थानीय तहलाई लेखेको पत्रमा भनेको छ ,

यसअघि केही स्थानीय तहहरुले आफू अनुकूल निर्णय गर्दै स्थानीय तहमा रहेका स्वास्थ्य सेवा केन्द्रहरु स्थानान्तरण गर्ने गरेका थिए ।