नेपालमा १०४ जना कोरोना संक्रमित थपिए

काठमाडौं—नेपालमा थप १०४ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप १०४ जनामा कोरोना संक्रमण पुष्टि भएको हो ।

थपिएका कोरोना संक्रमितमध्ये ५८ जना पुरुष र ४६ जना महिला रहेका छन् । यससँगै नेपालमा अहिलेसम्म कोरोना संक्रमित हुनेको संख्या २ लाख ७४ हजार ९ सय ७३ जना पुगेको छ ।

पछिल्लो २४ घण्टामा ६३ जना संक्रमित कोरोनामुक्त भएका छन् । अहिलेसम्म नेपालमा कोरोना संक्रमणमुक्त हुनेको संख्या २ लाख ७१ हजार ५० पुगेको छ । नेपालमा कोरोना संक्रमण निको हुने दर ९८.६ प्रतिशत पुगेको छ ।

अहिलेसम्म नेपालमा ३ हजार १२ जना कोरोना संक्रमितको मृत्यु भएको छ ।