२०८१ साउन ९, बुधबार
Health Aawaj logo
गृहपृष्ठसमाचारनाकामा पुन: क्वारेन्टाइन सक्रिय बनाइदैं, शंकास्पदको एन्टीजेन जाँच गरिने

नाकामा पुन: क्वारेन्टाइन सक्रिय बनाइदैं, शंकास्पदको एन्टीजेन जाँच गरिने


काठमाडौं–छिमेकी देश भारतमा कोभिड—१९ को संक्रमण पुनः बढेसंगै सरकारले नाकामा कडाइ गर्ने भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार अब सरकारले भारतबाट नेपाल आउने शंकास्पद नागरिकको नाकामा एन्टीजेन परिक्षण गर्नुका साथै पुनः क्वारेन्टाइन सक्रिय बनाउने तयारी गरेको छ ।

‘भारतमा केस बढेसँगै नाकामा चेकजाँच तथा क्वारेन्टाइनलाई व्यवस्थित गर्न स्थानीय तहलाई निर्देशन दिइदैंछ,’ उनले भने, ‘शंकास्पद व्यक्तिको एन्टीजेन जाँच हुन्छ र क्वारेन्टाइनमा अनिवार्य बस्नुपर्छ ।’

भारतीय नाकाका साथै अन्तर्राष्ट्रिय विमानस्थल हुँदै आउने यात्रुको पनि एन्टीजेन टेष्टको तयारी सरकारले गरेको छ । ‘हवाई मार्ग हुँदै आउनेहरुलाई पनि एउटै मापदण्ड हो,’ उनले भने, ‘देशभित्रै पनि केस घटेको हो तर जोखिम कम भएको छैन ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ